Столінская міжраённая інспекцыя аховы жывёльнага і расліннага свету даводзіць да ведама рыбаловаў-аматараў, што ў адпаведнасці з Правіламі аматарскага рыбалоўства і Правіламі вядзення рыбалоўнай гаспадаркі ў рыбалоўных угоддзях рэспублікі забараняецца лоўля ўсіх відаў рыб на зімавальных ямах з 1 кастрычніка па 15 красавіка.
У асяроддзі аматараў рыбалкі часта задаюць пытанне, чаму раптам участак, дзе заўсёды лавілі рыбу, аб'яўляюць зімавальнай ямай.
Што ж гэта такое - зімавальная яма? Гэта месцы масавых навал рыб у паглыбленнях дна рэк і азёр у зімовы перыяд. У праточных вадаёмах зімавальныя ямы знаходзяцца ў найболей глыбокіх месцах з запаволенай кругавай плынню. У такіх месцах рыба ў дастатковай ступені забяспечана кіслародам і ёй не трэба марнаваць шмат энергіі на супраціў плыні. На зімавальных ямах рыба знаходзіць найлепшыя ўмовы зімоўкі, адпачывае перад хуткім нерастам.
У зімовы перыяд рыба ўпадае ў стан блізкае да анабіёзу - гэта стан арганізма, пры якім жыццёвыя працэсы (абмен рэчываў, дыханне і інш.) спыняюцца або часова запавольваюцца, часам настолькі, што бачных праяў жыцця няма.
Анабіёз у рыб надыходзіць пры рэзкім пагаршэнні ўмоў існавання - нізкай тэмпературы вады, засухі і па шэрагу іншых прычын. Пры надыходзе спрыяльных умоў у рыб адбываецца поўнае аднаўленне жыццёвых функцый. Менавіта ў перыяд анабіёзу рыба найболей схільная любому негатыўнаму ўздзеянню, у тым ліку і яе варварскаму знішчэнню. На зімавальных ямах рыба становіцца лёгка даступнай здабычай.
Менавіта з мэтай захавання рыбных запасаў і іх аховы ад драпежніцкага ўздзеяння, прадугледжана забарона лоўлі на зімавальных ямах.
Азнаёміцца з картай зімавальных ям можна на сайце: https://fish-pits.krokam.by/, або перайсці па спасылцы на афіцыйным сайце Дзяржаўнай інспекцыі, дзе размешчана карта зімавальных ям Рэспублікі Беларусь з указаннем каардынат і іх меж.
За дадатковай інфармацыяй па пытаннях аховы жывёльнага і расліннага свету, растлумачэннем асобных пытанняў прыродаахоўнай тэматыкі, з інфармацыяй аб рабоце і дзеяннях (станоўчых або адмоўных) супрацоўнікаў тэрытарыяльных падраздзяленняў Дзяржінспекцыі, у выпадку выяўлення фактаў варварскага стаўлення да аб'ектаў жывёльнага і расліннага свету, правядзення незаконнага палявання рыбалоўства, іншых парушэнняў прыродаахоўнага заканадаўства Вы можаце звярнуцца да службовых асоб Дзяржаўнай інспекцыі аховы жывёльнага і расліннага свету пры Прэзідэнце Рэспублікі Беларусь патэлефанаваўшы па тэлефоне "даверу":
Цэнтральны апарат Дзяржаўнай інспекцыі,
г. Мінск: 8 (017) 39-00-000, 8 (033) 333-6-000
Брэсцкая абласная інспекцыя аховы жывёльнага і расліннага свету,
г. Брэст, 8 (0162) 25-50-00, 8 (033) 633-36-19
Столінская міжраённая інспекцыя аховы жывёльнага і расліннага свету,
г. Давыд-Гарадок, 8 (01655) 51165, 53373