"Беларусбанк" папярэдзіў кліентаў аб часовых абмежаваннях у правядзенні аперацый.

 "Беларусбанк" папярэдзіў кліентаў аб часовых абмежаваннях у правядзенні аперацый. У сувязі з планавымі тэхналагічнымі работамі ў ноч з 7 на 8 сакавіка шэраг сэрвісаў банка будзе недаступны. Абмежаванні набудуць моц у 23:00 7 сакавіка і працягнуцца да 07:00 8 сакавіка. У гэты перыяд кліенты не змогуць рабіць аперацыі па ўкладных і бягучых рахунках, пагашаць крэдытную запазычанасць, а таксама афармляць плацежныя карткі. Паўза ў абслугоўванні закране падраздзяленні банка, сістэму дыстанцыйнага абслугоўвання (М-банкінг і Інтэрнэт-банкінг), а таксама плацяжы праз АІС "Разлік" (АРІП). Акрамя таго, на працягу адной гадзіны - з 01:00 да 02:00 8 сакавіка - у аддзяленнях банка будзе цалкам прыпынена правядзенне аперацый з наяўнымі грашовымі сродкамі і банкаўскімі картамі. Банк рэкамендуе кліентам загадзя правесці неабходныя плацяжы.