Cпальванне травы прыводзіць да катастроф

 900+ пажараў з пачатку года ў Беларусі: спальванне травы прыводзіць да катастроф Больш за 900 пажараў у прыродных экасістэмах адбылося ў Беларусі з пачатку года. У выніку ўзгарання сухой расліннасці загінулі два чалавекі, трое атрымалі траўмы, знішчаны і пашкоджаны жылыя дамы, іншыя будынкі і збудаванні. Для барацьбы з агнём было прыцягнута больш за тысячу адзінак тэхнікі, звыш трох тысяч чалавек. Найбольшая колькасць небяспечных сітуацый адбылася на тэрыторыях Мінскай, Брэсцкай і Гродзенскай абласцей. Асноўная прычына большасці прыродных пажараў - спальванне сухой расліннасці і неасцярожнае абыходжанне з агнём. МНС заклікае грамадзян выконваць забароны на наведванне лясоў у засушлівы перыяд. АНТ Абмежаванні на наведванне лясоў уведзены амаль па ўсёй Беларусі. Згодна з інтэрактыўнай картай Мінлясгаса, на гэты момант выключэнне складаюць толькі два раёны: у Гродзенскай вобласці — Гродзенскі, у Мінскай вобласці — Мядзельскі. Пры абмежаванні дазволены прагулкі, збор грыбоў і ягад, але забаронены ўезд і вогнішчы.