З 19 снежня 2025 па 23 лютага 2026 года ў Мінску праходзіць маштабная выстава дасягненняў "Мая Беларусь". Мінскі міжнародны выставачны цэнтр BELEXPO дае магчымасць наведвальнікам пазнаёміцца з перадавымі дасягненнямі нашай краіны ў розных галінах і здзейсніць віртуальныя туры па рэгіёнах. Што чакае наведнікаў?
- Інтэрактыўныя інсталяцыі і фотазоны - цэнтральны аб'ект вялікая карта Беларусі, на якой адзначаны найважнейшыя аб'екты, пабудаваныя за час незалежнасці.
- Тэматычныя лакацыі - раскажуць аб прарывах і поспехах ключавых галін беларускай эканомікі і сацыяльнай сферы.
- Лакацыі, якія раскрыюць усю прыгажосць прыроды і турыстычны патэнцыял.
16 студзеня 2026 года прымаць удзел у выставе будуць тры калектывы Столінскага раёна: заслужаны аматарскі калектыў Рэспублікі Беларусь народны ансамбль народнай музыкі "Выцінанка", заслужаны аматарскі калектыў Рэспублікі Беларусь народны хор "Крыніца" і народны ансамбль танца "Рэха". Калектывы прадставяць увазе наведвальнікаў трохгадзінную канцэртную праграму.