Супрацоўнікі Столінскага РАУС сумесна з выхаванцамі ВПК "Доблесць" прынялі ўдзел у акцыі "Дай лесу новае жыццё"

Супрацоўнікі Столінскага РАУС сумесна з выхаванцамі ВПК "Доблесць" прынялі ўдзел у акцыі "Дай лесу новае жыццё", падчас якой высадзілі больш за 300 маладых дрэў. Як адзначыў начальнік Столінскага РАУС Максім Лук'янчык, - Супрацоўнікі РАУС, двойчы за год, вясной і восенню, бяруць удзел у такіх акцыях. Гэта для нас стала ўжо добрай традыцыяй і міліцыянеры з вялікім задавальненнем высаджваюць дрэвы. Кожнаму хочацца пакінуць свой след у аднаўленні лясных угоддзяў.