У красавіку беларусаў чакаюць доўгія выходныя

 У красавіку беларусаў чакаюць доўгія выходныя, паведамілі БЕЛТА у Міністэрстве працы і сацыяльнай абароны. Адразу чатыры дні вясновых «вакацый» чакаюць беларусаў. Згодна з календаром праваслаўнай канфесіі, непрацоўным днём у 2026 годзе стане аўторак, 21 красавіка, - Радаўніца. «Працоўны дзень 20 красавіка (панядзелак) пераносіцца на суботу 25 красавіка. Такім чынам, днямі адпачынку будуць 18 (субота), 19 (нядзеля), 20 (панядзелак) і 21 (аўторак) красавіка 2026 года - чатыры дні», - растлумачылі ў ведамстве. Пры гэтым арганізацыям з улікам спецыфікі вытворчасці (работы) даецца права ажыццявіць перанос рабочага дня (20 красавіка) на іншы выхадны дзень, які прыпадае на суботу. Дарэчы, і пачатак траўня парадуе магчымасцю адпачыць даўжэй. Свята працы - Першамай - прыпадае сёлета на пятніцу.