Паважаныя супрацоўнікі і ветэраны Столінскага раённага аддзела па надзвычайных сітуацыях!
Прыміце віншаванні з прафесійным святам - Днём ратавальніка! Вы выбралі для сябе нялёгкую, але высакародную справу - першымі прыходзіць на дапамогу людзям, якія трапілі ў бяду. Быць ратавальнікам - годнае пакліканне моцных духам людзей. Гэтая прафесія патрабуе асаблівай стойкасці і самааддачы, асабістай мужнасці, зладжанасці дзеянняў, пастаяннага прафесійнага ўдасканалення. Вы з гонарам выконваеце свой службовы абавязак і гатовы ў любую хвіліну прыйсці на дапамогу людзям, якія трапілі ў бяду, часам рызыкуючы ўласным жыццём. Вернасць службоваму абавязку і выключная вытрымка дазваляюць вам спраўляцца з любымі пастаўленымі задачамі зладжана і аператыўна. Упэўнены, што і ў далейшым ратавальнікі застануцца для сваіх землякоў надзейнай апорай у складаных сітуацыях. У гэты святочны дзень жадаем моцнага здароўя, цвёрдасці духу, шчасця, міру і дабра вам і вашым блізкім!
Столінскі раённы выканаўчы камітэт.
Столінскі раённы Савет дэпутатаў.