Батанічны помнік прыроды мясцовага значэння «Дубянецкі дуб» размешчаны на землях агульнага карыстання, непасрэдна ў межах в. Дубянец Столінскага раёна Брэсцкай вобласці. Геаграфічныя каардынаты цэнтра помніка – 52°02′07,70′′ пн. ш., 26°58′11,54′′ ст. в.
Землекарыстальнікам зямельнага ўчастка, у межах якога размешчаны помнік прыроды, з'яўляецца Беражноўскі сельскі выканаўчы камітэт.
Помнік прыроды мясцовага значэння "Дубянецкі дуб" знаходзіцца на мяжы нацыянальнага калідора экалагічнай сеткі CN3.
Дыяметр ствала дрэва - 200 см, вышыня - 20 м, дыяметр кроны - 22 м, штамб - 6 м. На паўночным баку ствала - сляды неаднаразовых громабоін. Дрэва ў цэлым здаровае, і, нягледзячы на ўзрост старэйшы за 350 гадоў, не мае дупла.
