На тэрыторыі раёна знаходзяцца два ландшафтныя заказнікі рэспубліканскага значэння - "Сярэдняя Прыпяць" і "Альманскія балоты".
Рэспубліканскі ландшафтны заказнік "Сярэдняя Прыпяць" з'яўляецца адной з найбуйнейшых асабліва ахоўных прыродных тэрыторый не толькі Беларусі, але і Еўропы. Агульная плошча заказніка складае 93062 га, працягласць заказніка з захаду на ўсход каля 120 км, шырыня ад 4 да 14 км. Плошча заказніка "Сярэдняя Прыпяць" на тэрыторыі Столінскага раёна складае 31038 га.
У межы заказніка ўваходзіць участак поймы ракі Прыпяць ад вусця ракі Ясельды да вусця ракі Ствігі. Тэрыторыя заказніка "Сярэдняя Прыпяць" прадстаўлена буйным комплексам пойменных месцапражыванняў, якія захаваліся ў стане, блізкім да натуральнага. Агульны пляц характэрных поймавых экасістэм палескага тыпу складае больш 80 км.кв.
Наяўнасць унікальных біятопаў і асаблівасці воднага рэжыму заказніка "Сярэдняя Прыпяць" абумовілі захаванне на яго тэрыторыі цэлага шэрагу рэдкіх відаў флоры і фауны.
Каля 35% тэрыторыі заказніка занята лясамі, сярод якіх пераважаюць поймавыя дубровы і чорнаальшаннікі з тыповай для Палесся флорай і фаунай. Разнастайныя лугі заказніка (ад моцна забалочаных да сухіх) могуць служыць эталонам для Палескага рэгіёна ў цэлым. Выключную каштоўнасць уяўляюць захаваныя ў пойме нізінныя балоты, якія знаходзяцца ў Еўропе пад пагрозай поўнага знікнення.
Характэрнай асаблівасцю поймы р. Прыпяць з'яўляюцца адносна невысокія і шырокія вясновыя паводкі, нізкая летняя межань, якая практычна штогод парушаецца паводкамі. Працягласць паводкай змяняецца ад 40 - 45 дзён да 3,5 - 4 месяцаў. Шырыня разліву ракі Сярэдняя Прыпяць можа дасягаць 14 км.
Рэспубліканскі ландшафтны заказнік "Сярэдняя Прыпяць" уяўляе сабой эталон моцна забалочанай рачной поймы - практычна зніклая ў Еўропе экасістэма. На гэтым участку абалоны Прыпяці засяроджаны самы вялікі па плошчы комплекс натуральных алювіяльных ландшафтаў не толькі на тэрыторыі Беларусі, але і ў Еўропе ў цэлым. Рака Прыпяць з'яўляецца цэнтральнай воднай артэрыяй Палескай нізіны, ад стану экасістэмы поймы гэтай ракі шмат у чым залежыць стан гідралагічнага рэжыму ўсяго Палескага рэгіёна.
На тэрыторыі Столінскага раёна Брэсцкай вобласці, займаючы плошчу ў 94 219 га, размяшчаецца ландшафтны заказнік рэспубліканскага значэння "Альманскія балоты". У 2001 г. заказнік аб'яўлены Рамсарскай тэрыторыяй, а таксама з'яўляецца Тэрыторыяй, Важнай для птушак (ТВП) міжнароднай значнасці.
Заказнік "Альманскія балоты" ўяўляе сабой найбуйнейшы комплекс верхавых, нізінных і пераходных балот, які захаваўся да нашых дзён у некранутым стане. Сярод балотнага масіву знаходзіцца больш за 20 азёр. Раскіданыя пясчаныя выдмы, якія параслі хваёвымі і лісцянымі лясамі. Асноўнай воднай артэрыяй заказніка з'яўляецца рака Ствіга і яе прытокі.
Стараўзроставыя хвойнікі па краі балотнага масіву і на буйных градах сярод балот з'яўляюцца сховішчам найбольш каштоўных відаў птушак, Палеская папуляцыя якіх знаходзіцца ў катастрафічным стане.
На тэрыторыі заказніка выдзелена некалькі асабліва ахоўных участкаў, якія з'яўляюцца месцамі вырастання рэдкіх і ахоўных раслінных супольнасцяў. Тут зарэгістравана 687 відаў раслін, 12 з іх занесены ў Чырвоную кнігу Рэспублікі Беларусь. Акрамя таго, у заказніку выяўлена 225 відаў насякомых, 8 амфібій, 7 рэптылій.
З-за адсутнасці населеных пунктаў у гэтай мясцовасці, цяжкадаступнасці і непраходнасці балот і забалочаных лясоў тут захавалася шмат участкаў з непарушаным тыповым складам раслінных супольнасцяў і фауністычных комплексаў, што надае гэтай тэрыторыі унікальнасць і асаблівае значэнне ў захаванні спрадвечнай біялагічнай і ландшафтнай разнастайнасці Беларускага Палесся.
Упраўленне заказнікамі "Сярэдняя Прыпяць" і "Альманскія балоты" ажыццяўляе Дзяржаўная прыродаахоўная ўстанова "Заказнікі рэспубліканскага значэння "Сярэдняя Прыпяць" і "Альманскія балоты", створаная ў маі 2006 года.
Асноўнымі напрамкамі дзейнасці ўстановы з'яўляюцца:
- арганізацыя аховы прыродных комплексаў ААПТ Століншчыны;
- экалагічная асвета насельніцтва;
- развіццё турызму і прадастаўленне паслуг у гэтай галіне.
Вы стаміліся ад мітусні вялікага горада? Мы прапануем Вам адпачынак ва ўтульнай камфартабельнай хатцы на беразе ракі Прыпяць. Вы марыце аб падарожжы па прыгожай рацэ Прыпяць - «Беларускай Амазонцы»? Мы дамо вам магчымасць ажыццявіць вашу мару. Вы любіце рыбалку? Тады сардэчна запрашаем да нас. Аматары прыроды, актыўнага адпачынку і рыбалкі лёгка змогуць рэалізаваць тут усе свае запатрабаванні - зліцца з прыродай разам і адчуць сябе яе часцінкай. Размясціцца на начлег магчыма ў эколага-асветніцкім цэнтры, у адным з самых прыгожых мясцін на беразе ракі Прыпяць, у вёсцы Караб'е Столінскага раёна. Ціхая, якая выклікае прыхільнасць да адпачынку атмасфера аўтэнтычных сельскіх пейзажаў, падарожжа на катэр-пантоне «Перамога» ўніз і ўверх па цячэнні ракі Прыпяць, пакінуць незабыўныя ўражанні. Прыпынкі і начлег на беразе ракі пад зорным ціхамірным небам. Эколага-асветніцкі цэнтр прыдатны для размяшчэння да 14 чалавек, абсталяваны ўсімі неабходнымі выгодамі: кухня, банкетная зала, спадарожнікавае ТБ, халодная і гарачая вада, душавая кабіна, туалет, халадзільнік, газавая пліта, набор неабходнага посуду.
На тэрыторыі гасцявой хаткі абсталявана вогнішча, мангал, печ-барбекю, альтанка, падстрэшак. На беразе Прыпяці, які знаходзіцца за дзвесце метраў ад гасцявой хаткі знаходзіцца пяшчаны міні-пляж, пірс, месца для пікніка (вогнішча, лаўкі, альтанка). Для аматараў актыўнага адпачынку прапануецца водная экскурсія па экалагічным маршруце, шматдзённы сплаў па Прыпяці. Заўсёды ёсць магчымасць пракаціцца на вёсельнай лодцы па акваторыі Прыпяці ў раёне сядзібы або здзейсніць падарожжа на веласіпедах. Таксама адпачывальнікам прапануецца экскурсія ў свет першародных балот - рэспубліканскі ландшафтны заказнік "Альманскія балоты". Дадатковыя паслугі: экскурсіі, сплавы па рацэ, пракат прагулачнай і маторнай лодкі.
Экалагічныя маршруты:- камбінаваны турыстычны маршрут "Палеская Амазонка", працягласцю 130 км. (в.Караб'е – г.Давід-Гарадок- г.Столін – в.Караб'е) (да 3 дзён);
-экалагічная сцежка "Альманскія балоты" (час экскурсіі 2,5 гадзіны);
-водны маршрут в. Караб'е-гідравузел «Стахава» (час у шляху 2,5 гадзіны).
Эколага-асветніцкі цэнтр размешчаны за 250 км ад г. Мінска, за 240 км ад г. Брэст, за 12 км на поўдзень ад г. Лунінец. у в. Кароб'е, Столінскага раёна, Брэсцкай вобласці. Праезд цягніком да станцыі "Прыпяць"
Кантакты:
Дырэктар Марыніч Аляксей Адамовіч,
тэл.рабочы 801655 2-41-87; моб.МТС 8029 795-30-59
тэл. факс 801655 2-81-15 -гл.бухгалтар
e.mail:zakaznikistolin@yandex.by
сайт: zakaznikistolin.by
паштовы адрас: індэкс 225503, Брэсцкая вобласць, г. Столін, вул. Савецкая 108 (Парк Манькавіцкі).
Да спісу навін
