7 ліпеня 1944 г. Столін быў вызвалены ад нямецка-фашысцкіх захопнікаў.
Напярэдадні юбілейнай даты, 80-годдзя вызвалення, кіраўніцтвам раёна і жыхарамі райцэнтра былі ўскладзены кветкі да помніка воінам-вызваліцелям.
Кароткая гістарычная зводка
Вызваленне Століншчыны (тады Столінскі і Давыд-Гарадоцкі раёны) праводзілася падчас Пінскай аперацыі, якая ў сваю чаргу з'яўлялася складовай часткай Беларускай наступальнай аперацыі пад назвай "Баграціён".
Горад Столін быў заняты часткамі 397-й стралковай дывізіі 89-га корпуса 61-й арміі 1-га Беларускага фронту раніцай 7 ліпеня 1944 г. пасля некалькіх дзён разлютаваных баёў.
Ужо 7 ліпеня 1944 г. падраздзяленні 397-й стралковай дывізіі, пераследуючы праціўніка ў паўночным і паўночна-ўсходнім напрамках, вызвалілі ад ворага шэраг населеных пунктаў: дд. Манькавічы, Белавуша, Дубянецкі Бор, Дубянец, Беражное, Вялікія і Малыя Арлы, Харомск, г. Давыд-Гарадок.
У паўднёва-заходняй частцы Столінскага раёна паспяхова дзейнічалі падраздзяленні 212-й Крычаўскай стралковай дывізіі. Зламаўшы ўпартае супраціўленне ворага, ужо да зыходу 8 ліпеня яны вызвалілі ДД. Нячатава, Калоднае, Фядоры, развіваючы наступленне далей на Пінскім напрамку.
На працягу 7-12 ліпеня 1944 г. практычна ўся тэрыторыя Столінскага і былога Давыд-Гарадоцкага раёнаў былі вызваленыя ад нямецка-фашысцкіх акупантаў.
Уладзімір Дамашчук
Фота аўтара
