22 сакавіка 1943 года была спалена беларуская вёска Хатынь. Разам з вёскай былі спалены або расстраляны 149 чалавек, з іх 75 дзяцей ва ўзросце да 16 гадоў. 6 чалавек выжылі і прызнаны сведкамі трагедыі: адзіны дарослы І. Камінскі і пяцёра дзяцей.
У памяць аб ахвярах фашызму ў 1969 г. створаны мемарыяльны комплекс "Хатынь". Трагічны момант з жыцця І. Камінскага пакладзены ў аснову скульптуры "Непакорны чалавек".
На тэрыторыі комплексу знаходзіцца адзіная ў свеце "Могілкі вёсак".
Мемарыял за ўсе гады наведалі 40 млн чалавек са 100 краін свету.
За гады акупацыі на тэрыторыі Беларусі:
праведзена больш за 140 буйных карных аперацый,
створана 250 нацысцкіх лагераў смерці,
больш за 2,2 млн чалавек загінулі ад рук акупантаў,
больш за 9,2 тыс. населеных пунктаў разбурана і спалена,
209 з 270 гарадоў ператварыліся ў руіны,
628 вёсак знішчана разам з жыхарамі,
188 вёсак ужо не змаглі адрадзіцца.
Створаны на месцы Хатыні мемарыяльны комплекс стаў сусветным сімвалам незлічоных ахвяр, пакут і мужнасці беларускага народа ў Вялікай Айчыннай вайне.
