У ходзе аперацыі «Баграціён» савецкая армія нанесла найбуйнейшую паразу нямецкай арміі за ўсю ваенную гісторыю Германіі, разграміўшы групу армій «Цэнтр» вермахта. Яна па праве лічыцца адной з найбуйных ваенных аперацый за ўсю гісторыю чалавецтва, а для беларускага народа - самай лёсавызначальнай. Бо дзякуючы рашучым дзеянням 1,2,3 Беларускіх і 1 Прыбалтыйскага франтоў у перыяд з 23 чэрвеня па 29 жніўня 1944 года беларуская зямля была поўнасцю вызвалена ад нацыстаў, якія тэрарызавалі, рабавалі і знішчалі наш народ.
Вызваленне Беларусі - падзея, якую немагчыма пераацаніць у нашым лёсе. І для беларускага народа паважаць подзвіг вызваліцеляў і шанаваць памяць аб іх - найважнейшы абавязак перад продкамі.
