МНС падрыхтавала рэспубліканскую карту дазволеных для купання пляжаў, паведамілі БЕЛТА ў выратавальным ведамстве.
У гарачыя летнія дні многія беларусы аддаюць перавагу адпачынку ў ціхіх і далёкіх ад мітусні месцаў, якія часта забароненыя і не абсталяваныя для купання. Але статыстыка паказвае, што адпачынак у такіх месцах нярэдка прыводзіць да трагедый. Пры гэтым абсталяваныя і прызначаныя для купання месцы значна бяспечней. Дно вадаёмаў у такіх месцах абследавана і ачышчана ад старонніх прадметаў. Акрамя таго, там устаноўлены буі, якія абазначаюць межы заплыву. На беразе абсталяваны інфармацыйныя стэнды з правіламі бяспекі, таксама ёсць кабінкі для пераапранання і ценявыя навесы. Што немалаважна, у абсталяваных для купання месцах пастаянна дзяжураць ратавальнікі.
Каб кожны змог знайсці сабе падыходнае і бяспечнае месца для адпачынку, ратавальнікі падрыхтавалі карту дазволеных для купання пляжаў, дзе адпачынак не будзе азмрочаны няшчаснымі выпадкамі. Азнаёміцца з ёй можна па спасылцы на афіцыйным інтэрнэт-партале Міністэрства па надзвычайных сітуацыях.
