Экстэрытарыяльны прынцып пры ажыццяўленні адміністрацыйных працэдур.
Для зручнасці грамадзян і даступнасці ажыццяўлення адміністрацыйных працэдур у 2024 годзе ўведзены экстэрытарыяльны прынцып.
У чым заключаецца сутнасць экстэрытарыяльнага прынцыпу?
Гэты прынцып дае магчымасць грамадзянам звяртацца ў службы "адно акно" мясцовых выканаўчых і распарадчых органаў за ажыццяўленнем адміністрацыйных працэдур незалежна ад падведамнасці гэтых адміністрацыйных працэдур, г.зн. незалежна ад рэгістрацыі па месцы жыхарства.
Нагадаем, раней, заяўнік мог звяртацца па ажыццяўленне адміністрацыйных працэдур у дачыненні да грамадзян толькі па месцы рэгістрацыі (прапіскі), у дачыненні да суб'ектаў гаспадарання - па месцы іх знаходжання, нерухомай маёмасці - па месцы знаходжання нерухомай маёмасці.
Рэалізацыя дадзенага прынцыпу службамі "адно акно" магчыма праз выкарыстанне праграмнага комплексу "Адно акно". Таксама ўстаноўлены адзіны пералік адміністрацыйных працэдур, прыём заяў і выдача рашэнняў па якіх ажыццяўляецца праз службу "адно акно". Пералік уключае 219 адміністрацыйных працэдур, з іх 146 працэдур - адносна грамадзян і 73 працэдуры - адносна суб'ектаў гаспадарання.
На сённяшні дзень прынцып экстэрытарыяльнасці дастаткова запатрабаваны і зручны для насельніцтва.
Напрыклад, для таго, каб атрымаць даведку аб атрыманні субсідыі, пасведчанне шматдзетнай сям'і, аформіць апеку або догляд за інвалідам I-групы няма неабходнасці звяртацца па месцы рэгістрацыі, заяву грамадзянін падае ў любую службу "адно акно" па месцы знаходжання.
Служба "адно акно" прыме такую заяву, зарэгіструе яе і разам з пакетам дакументаў перанакіруе ў службу "адно акно" ўпаўнаважанага органа для ажыццяўлення неабходнай працэдуры.
Адміністрацыйнае рашэнне па выніках разгляду заявы можна атрымаць па месцы падачы заявы, альбо па месцы прыняцця адміністрацыйнага рашэння. Пры падачы дакументаў заяўнік павінен вызначыць месца атрымання адміністратыўнага рашэння.
Прыём зацікаўленых асоб у службе "адно акно", размешчанай па адрасе: г. Столін, вул. Савецкая, д.69, ажыццяўляецца штодня па працоўных днях: панядзелак, аўторак, чацвер, пятніца з 8.00 да 13.00 і з 14.00 да 17.00, серада з 8.00 да 20.00, тэлефоны 8(0165) 8(01655) 2-11-12.
У службе працуе адзіны даведачна-інфармацыйны нумар па аказанні кансультатыўнай дапамогі па пытаннях ажыццяўлення адміністрацыйных працэдур - 142 (даведачная інфармацыя па тэлефоне 142 прадастаўляецца бясплатна).
