Раённы дзень аховы працы ў Столінскім раёне прайшоў пад кіраўніцтвам намесніка старшыні Столінскага райвыканкама Сяргея Стоўбы. Мерапрыемства адбылося на базе будаўнічых арганізацый раёна - ГУСП "Столінская ПМК-24", ГУДСП "Столінская ДСПМК-32, філіял КУП "Брэстаблдарбуд" Столінскае ДРБУ - 141.
У ім прынялі ўдзел каля 70 кіраўнікоў прадпрыемстваў, галоўныя інжынеры, спецыялісты па ахове працы арганізацый, зацікаўленыя службы. Будаўнічая галіна традыцыйна адна з найбольш траўманебяспечных у нашай краіне, прыемна адзначыць, што ў Столінскім раёне выпадкаў вытворчага траўматызму ў будаўнічых арганізацыях не зарэгістравана.
У ходзе мерапрыемства ўдзельнікі азнаёміліся работай арганізацый, майстэрнямі для рамонту тэхнікі, кабінетамі па ахове працы, пакоямі прыёму ежы, іншымі бытавымі памяшканнямі. Адмысловая ўвага нададзена санітарна-бытавым умовам, створаным для калектываў.
Неабходна адзначыць, што нягледзячы на адзіныя патрабаванні па ахове працы, умовы для адпачынку працаўнікоў розныя.
Аб арганізацыі работы па ахове працы і стане вытворчага трыўматызму на тэрыторыі Столінскага раёне расказаў галоўны спецыяліст упраўлення па працы, занятасці і сацыяльнай абароне Столінскага райвыканкама Пётр Волас, было адзначана, што за 6 месяцаў бягучага года ў раёне выпадкаў цяжкага і смяротнага траўматызму не зарэгістравана.
У мерапрыемстве прыняў удзел намеснік начальніка Пінскай міжраённай інспекцыі працы Аляксандр Сніпіч, які праінфармаваў аб няшчасных выпадках на вытворчасці ў арганізацыях Брэсцкай вобласці.
Вынікі раённага Дня аховы працы падвёў намеснік старшыні Столінскага райвыканкама Сяргей Стоўба.
