1 кастрычніка 2026 года ў в. Хорск адбылося ўрачыстае адкрыццё Дома сумеснага самастойнага пражывання пажылых людзей і інвалідаў ДУ "Столінскі ТЦСАН".
У мерапрыемстве прынялі ўдзел старшыня Столінскага райвыканкама Сяргей Жыдзецкі, намеснік старшыні Дзяніс Сіліванік, прадстаўнікі раённых службаў, сельвыканкама, грамадскіх арганізацый і прадпрыемстваў-партнёраў.
Вітаючы прысутных, Сяргей Жыдзецкі адзначыў, што адкрыццё аб'екта ў Дзень пажылых людзей сімвалізуе глыбокі клопат дзяржавы аб старэйшым пакаленні.
За ўклад у стварэнне і аснашчэнне сацыяльнага дома шэрагу арганізацый былі ўручаны заслужаныя ўзнагароды і Падзячныя пісьмы райвыканкама.
