ПАВАЖАНЫЯ ВЫБАРЧЫ!
25 лютага 2024 г. у нашай краіне ўпершыню ў гісторыі пройдзе адзіны дзень галасавання. У гэты дзень будуць абірацца дэпутаты ў Палату прадстаўнікоў Нацыянальнага сходу Рэспублікі Беларусь і мясцовыя Саветы дэпутатаў.
Гэта важная палітычная падзея для ўсіх нас, паколькі трэба не проста сфарміраваць дэпутацкі корпус усіх узроўняў, але і выбраць далейшы курс развіцця раёна, вобласці і краіны ў цэлым.
Мы ўсе аднолькава зацікаўлены ў тым, каб у Парламент і мясцовыя саветы прыйшлі адказныя, дзейныя, аўтарытэтныя людзі, здольныя трымаць слова, выканаць вашыя наказы і свае абяцанні, апраўдаць надзеі і давер грамадзян Беларусі.
Голас кожнага з нас вызначыць, хто будзе прымаць жыццёва важныя рашэнні, хто будзе гарантам сацыяльна-эканамічнай стабільнасці і ўмацавання прэстыжу Рэспублікі Беларусь і хто павядзе краіну і нашу Століншчыну наперад па рэальным намечаным курсе развіцця сучаснай дзяржавы.
Прааналізуйце і рэальна ацаніце ўклад кожнага кандыдата і аддайце свой голас за найбольш дастойнага. Бо менавіта яму трэба будзе вырашаць стратэгічныя задачы па далейшым сацыяльна-эканамічным развіцці краіны, па паляпшэнні жыцця людзей, па захаванні і прымнажэнні таго, што створана за мінулыя гады.
ДАРАГІЯ ЗЕМЛЯКІ!
Жыхары Століншчыны заўсёды адрозніваліся высокай сацыяльнай актыўнасцю. Разлічваю на вашу адказную грамадзянскую пазіцыю і на гэты раз.
Заклікаю вас абавязкова прыйсці на выбарчыя ўчасткі, каб выканаць свой галоўны грамадзянскі абавязак - абраць дэпутатаў, якія будуць працаваць на карысць нашай любімай Радзімы і ў інтарэсах кожнага грамадзяніна Беларусі.
З павагай, старшыня Столінскага
раённага выканаўчага камітэта,
член Савета Рэспублікі Нацыянальнага
сходу Рэспублікі Беларусь Г.У.Пратасавіцкі
