РАШЭННЕ СТОЛІНСКАЙ РАЁННАЙ САВЕТЫ ДЭПУТАТАЎ
17 кастрычніка 2023 г. № 332
Аб званні "Ганаровы грамадзянін Столінскага раёна"
На падставе падпункта 1.3 пункта 1 артыкула 19 Закона Рэспублікі Беларусь ад 4 студзеня 2010 г. № 108-З "Аб мясцовым кіраванні і самакіраванні ў Рэспубліцы Беларусь" Столінскі раённы Савет дэпутатаў РАШЫЎ:
1. Зацвердзіць Інструкцыю аб парадку прысваення звання "Ганаровы грамадзянін Столінскага раёна" (прыкладаецца).
2. Дадзенае рашэнне ўступае ў сілу пасля яго афіцыйнага апублікавання.
Намеснік старшыні Г.І.Мароз
ЗАЦВЕРДЖАНА
Рашэнне
Столінскага раённага
Савета дэпутатаў
17.10.2023 № 332
ІНСТРУКЦЫЯ
аб парадку прысваення звання "Ганаровы грамадзянін Столінскага раёна"
1. Дадзеная Інструкцыя рэгулюе падставы і парадак прысваення звання "Ганаровы грамадзянін Столінскага раёна".
2. Званне "Ганаровы грамадзянін Столінскага раёна" з'яўляецца вышэйшай ступенню ўдзячнасці жыхароў Столінскага раёна і прысвойваецца грамадзянам Рэспублікі Беларусь, якія пражываюць на тэрыторыі Столінскага раёна, а таксама жыхарам іншых рэгіёнаў і грамадзянам замежных дзяржаў.
Званне "Ганаровы грамадзянін Столінскага раёна" можа быць прысвоена пасмяротна.
3. Падставамі для прысваення звання "Ганаровы грамадзянін Столінскага раёна" з'яўляюцца:
значныя поспехі ў вытворчай, грамадска-культурнай дзейнасці, у развіцці эканомікі, навукі, культуры, мастацтва, адукацыі, аховы здароўя, фізічнай культуры і спорту;
адвага і мужнасць, праяўленыя пры выкананні воінскага абавязку, забеспячэнні бяспекі, законнасці і правапарадку;
заслугі, праяўленыя ў надзвычайных сітуацыях у мірны час;
іншыя заслугі і дасягненні, якія атрымалі шырокае грамадскае прызнанне ў Рэспубліцы Беларусь і за мяжой.
4. Званне "Ганаровы грамадзянін Столінскага раёна" прысвойваецца рашэннем Столінскага раённага Савета дэпутатаў (далей - Савет дэпутатаў) па прадстаўленні Столінскага раённага выканаўчага камітэта (далей - райвыканкам).
5. Хадайніцтвы аб прысваенні звання "Ганаровы грамадзянін Столінскага раёна" прадстаўляюцца ў аддзел арганізацыйна-кадравай работы райвыканкама:
5.1. пастаяннымі камісіямі Савета дэпутатаў;
5.2. структурнымі падраздзяленнямі райвыканкама;
5.3. сельскімі выканаўчымі камітэтамі;
5.4. працоўнымі калектывамі прадпрыемстваў і ўстаноў;
5.5. калегіяльнымі органамі ўпраўлення палітычных партый, грамадскіх і рэлігійных аб'яднанняў.
6. Хадайніцтва аб прысваенні звання "Ганаровы грамадзянін Столінскага раёна" павінна змяшчаць апісанне канкрэтных дасягненняў і заслуг кандыдата.
Разам з хадайніцтвам прадстаўляюцца:
даведка-аб'ектыўка на кандыдата;
характарыстыка, якая змяшчае біяграфічныя звесткі і звесткі аб працоўнай, грамадскай і іншай дзейнасці;
іншыя дакументы, якія запытваюцца райвыканкамам.
Не разглядаюцца дакументы ў дачыненні да кандыдатаў, якія маюць судзімасць, у тым ліку пагашаную і знятую, а таксама звольненых па падставах, якія прызнаюцца ў адпаведнасці з заканадаўчымі актамі дыскрэдытуючымі абставінамі.
Аддзел арганізацыйна-кадравай работы райвыканкама на падставе дакументаў, указаных у частцы другой гэтага пункта, рыхтуе адпаведны праект рашэння і ўносіць яго для разгляду на пасяджэнне райвыканкама.
7. Пасля прыняцця райвыканкамам рашэння аб прадстаўленні кандыдатуры на прысваенне звання "Ганаровы грамадзянін Столінскага раёна" аддзел арганізацыйна-кадравай работы райвыканкама рыхтуе адпаведны праект рашэння з дадаткам копій дакументаў, указаных у частцы другой пункта 6 дадзенай Інструкцыі, і накіроўвае яго ў Савет дэпутатаў для разгляду на сесіі.
8. Асобе, удастоенай звання "Ганаровы грамадзянін Столінскага раёна", ва ўрачыстай абстаноўцы ўручаюцца дыплом, падпісаны старшынямі Савета дэпутатаў і райвыканкама, нагрудны знак адзнакі "Ганаровы грамадзянін Столінскага раёна" (далей - нагрудны знак), кветкі, а таксама аднаразовае грашовае сродкаў раённага бюджэту ў памеры 30 базавых велічыняў.
У выпадку, калі асоба, ганараваная званнем «Ганаровы грамадзянін Столінскага раёна», з прычыны хваробы, інваліднасці не можа з'явіцца на ўручэнне, дыплом, нагрудны знак, кветкі, а таксама аднаразовую грашовую ўзнагароду са сродкаў раённага бюджэту ў памеры трыццаці базавых велічынь уручаюцца ёй дома ці ў арганізацыі аховы здароўя, у якой ён знаходзіцца.
У выпадку смерці асобы, ганараванай звання "Ганаровы грамадзянін Столінскага раёна", а таксама ў выпадку прысваення звання "Ганаровы грамадзянін Столінскага раёна" пасмяротна дыплом, нагрудны знак, кветкі ўручаюцца аднаму з членаў яго сям'і або блізкім сваякам.
У выпадку адсутнасці ў асобы, ганараванай звання "Ганаровы грамадзянін Столінскага раёна" пасмяротна, членаў сям'і і блізкіх сваякоў дыплом, нагрудны знак перадаюцца на захоўванне ва ўстанову культуры "Столінскі раённы краязнаўчы музей".
Асобам, удастоеным звання "Ганаровы грамадзянін Столінскага раёна", за кошт сродкаў раённага бюджэту штогод выплачваецца аднаразовая грашовая ўзнагарода ў памеры дваццаці базавых велічынь.
9. Рашэнне Савета дэпутатаў аб прысваенні звання "Ганаровы грамадзянін Столінскага раёна" асвятляецца ў сродках масавай інфармацыі, на сайце райвыканкама ў глабальнай камп'ютарнай сетцы Інтэрнэт.
Звесткі аб асобах, удастоеных звання "Ганаровы грамадзянін Столінскага раёна", заносяцца ў Кнігу народнай славы, якая захоўваецца ў райвыканкаме.
10. Асобы, удастоеныя звання "Ганаровы грамадзянін Столінскага раёна", запрашаюцца для ўдзелу ва ўрачыстых мерапрыемствах, якія праводзяцца ў Столінскім раёне.
11. У мэтах увекавечання памяці ганаровых грамадзян Столінскага раёна па ўзгадненні са сваякамі іх імёнамі могуць быць названы вуліцы і плошчы населеных пунктаў Столінскага раёна.
12. Асоба, ганараваная званнем «Ганаровы грамадзянін Столінскага раёна», можа быць пазбаўлена гэтага звання ў сувязі з абвінаваўчым прысудам суда, які ўступіў у законную сілу ў дачыненні да яго.
Хадайніцтва аб пазбаўленні звання "Ганаровы грамадзянін Столінскага раёна" ўносіцца на разгляд Савета дэпутатаў райвыканкамам або па патрабаванні адной трэці дэпутатаў ад ліку абраных дэпутатаў Савета дэпутатаў.
Рашэнне аб пазбаўленні звання "Ганаровы грамадзянін Столінскага раёна" прымаецца Саветам дэпутатаў.
13. Фінансаванне расходаў, звязаных з прысваеннем звання "Ганаровы грамадзянін Столінскага раёна", праводзіцца за кошт сродкаў раённага бюджэту.
