РАШЭННЕ СТОЛІНСКАЙ РАЁННАЙ САВЕТЫ ДЭПУТАТАЎ
|
Старшыня |
А.А.Дямко |
|
|
ЗАЦВЕРДЖАНА Рашэнне Столінскага раённага Савета дэпутатаў 14.01.2016 № 63 |
ІНСТРУКЦЫЯ
аб падатку за валоданне сабакамі
1. Плацельшчыкамі падатку за валоданне сабакамі (далей - плацельшчыкі) прызнаюцца фізічныя асобы - уладальнікі сабак, зарэгістраваныя на тэрыторыі Столінскага раёна.
2. Аб'ектам падаткаабкладання падаткам за валоданне сабакамі прызнаецца валоданне сабакамі ва ўзросце трох месяцаў і старэйшым.
3. Падатковая база падатку за валоданне сабакамi вызначаецца як колькасць сабак ва ўзросце трох месяцаў і старэй на 1-е чысло першага месяца падатковага перыяду.
4. Стаўка падатку за валоданне сабакамі ўстанаўліваецца за падатковы перыяд у памеры, устаноўленым абзацамі другім і трэцім пункта 1 артыкула 310 Падатковага кодэкса Рэспублікі Беларусь.
5. Падатковым перыядам падатку за валоданне сабакамі прызнаецца каляндарны квартал.
6. Сума падатку за валоданне сабакамі вылічаецца як здабытак падатковай базы і падатковай стаўкі.
7. Выплата падатку за валоданне сабакамі праводзіцца плацельшчыкамі шляхам унясення сум падатку арганізацыям, якія ажыццяўляюць эксплуатацыю жыллёвага фонду і (або) прадастаўляюць жыллёва-камунальныя паслугі, адначасова з унясеннем платы за карыстанне жылым памяшканнем (платы за жыллёва-камунальныя паслугі).
Арганізацыі, якія ажыццяўляюць эксплуатацыю жыллёвага фонду і (або) прадастаўляюць жыллёва-камунальныя паслугі, ажыццяўляюць прыём сум падатку за валоданне сабакамі і іх пералічэнне ў раённы бюджэт не пазней за 27-е чысло месяца, наступнага за мінулым падатковым перыядам, а таксама прадстаўляюць у падатковы орган па месцы пастаноўкі на ўлік інфармацыю аб пералічэнні падатку за валоданне сабакамі ў адвольнай форме не пазней за 30-е чысло месяца, наступнага за скончаным падатковым перыядам.
Падатковая дэкларацыя (разлік) па падатку за валоданне сабакамі не прадстаўляецца.
8. Ад падатку за валоданне сабакамі вызваляюцца плацельшчыкі:
інваліды па зроку, якія валодаюць сабакам-павадыром;
ветэраны, інваліды і ўдзельнікі Вялікай Айчыннай вайны;
інваліды І і ІІ групы;
непрацуючыя пенсіянеры, якія дасягнулі ўзросту, які дае права на пенсію па ўзросту на агульных падставах, якія валодаюць не больш чым адным сабакам, пры адсутнасці рэгістрацыі па месцы іх жыхарства* працаздольных асоб, за выключэннем вайскоўцаў тэрміновай ваеннай службы, грамадзян, накіраваных на альтэрнатыўную службу, а таксама асоб, якія адбываюць пакаранне ў месцах пазбаўлення волі (пры наяўнасці дакументаў, якія пацвярджаюць);
якія пражываюць у аднакватэрных або блакіраваных жылых дамах, у выпадку, калі сабака не выкарыстоўваецца ў прадпрымальніцкай дзейнасці.
______________________________
* Для мэт дадзенай Інструкцыі тэрмін «рэгістрацыя па месцы жыхарства» выкарыстоўваецца ў значэнні, вызначаным Указам Прэзідэнта Рэспублікі Беларусь ад 7 верасня 2007 г. № 413 «Аб удасканаленні сістэмы ўліку грамадзян па месцы жыхарства і месцы знаходжання».
