СТОЛІНСКІ РАЁННЫ ВЫКАНАЎЧЫ КАМІТЭТ
РАШЭННЕ
24 красавіка 2018 г. № 736
Аб абмежаванні часу продажу алкагольных напояў
На падставе пункта 5 артыкула 11 Закона Рэспублікі Беларусь ад 27 жніўня 2008 года "Аб дзяржаўным рэгуляванні вытворчасці і абароту алкагольнай, нехарчовай спіртазмяшчальнай прадукцыі і нехарчовага этылавага спірту" Столінскі раённы выканаўчы камітэт РАШЫЎ:
1. Абмежаваць на тэрыторыі Столінскага раёна з 00.00 да 24.00 продаж алкагольных напояў у гандлёвых аб'ектах, за выключэннем рознічнага гандлю на гандлёвых аб'ектах грамадскага харчавання ў разліў:
30 мая 2018 г. – у сувязі з правядзеннем мерапрыемстваў, накіраваных на прапаганду (папулярызацыю) здаровага ладу жыцця, прафілактыку п'янства і алкагалізму, барацьбу з імі і прымеркаваных да ўрачыстых мерапрыемстваў “Апошні званок”;
9 чэрвеня 2018 г. – у сувязі з правядзеннем выпускных вечароў ва ўстановах агульнай сярэдняй адукацыі;
1 верасня 2018 г. – у сувязі з правядзеннем мерапрыемстваў, накіраваных на прапаганду (папулярызацыю) здаровага ладу жыцця, прафілактыку п'янства і алкагалізму, барацьбу з імі і прымеркаваных да Дня ведаў.
2. Кантроль за выкананнем гэтага рашэння ўскласці на аддзел унутраных спраў Столінскага раённага выканаўчага камітэта, старшынь Давыд-Гарадоцкага гарадскога, сельскіх выканаўчых камітэтаў, намеснікаў старшыні Столінскага раённага выканаўчага камітэта па напрамках дзейнасці.
3. Абнародаваць (апублікаваць) сапраўднае рашэнне ў газеце "Навіны Палесся".
4. Дадзенае рашэнне набывае моц пасля яго афіцыйнага апублікавання.
Старшыня Р.В.Пратасавіцкі
Кіраўнік спраў Т.А.Лабадзінская
